Տեղի ունեցավ «Արարատյան արժեքների կրթական հիմնադրամ»-ի կազմակերպած «Իմ եկեղեցին» մրցույթի ամփոփման և մրցանակաբաշխության արարողությունը։

Միջոցառումն սկսվեց Հայաստանի և Արցախի պետական օրհներգերի միասնական կատարումով, որից հետո ներկաները հարգանքի տուրք մատուցեցին 2023 թ. Արցախի բռնի հայաթափման զոհերի հիշատակին։

Միջոցառման օրը պատահական չէր․ հենց սեպտեմբերի 20-ին, 1908 թվականին, ծնվել էր Ամենայն Հայոց Կաթողիկոս Վազգեն Ա-ն։ Օրվա խորհրդին ընդառաջ ներկայացվեց Հայոց եկեղեցու ազգային գործունեությունը, հիշատակվեց սուրբ Գրիգոր Նարեկացու կյանքն ու վաստակը, ինչպես նաև ոգեկոչվեց Վեհափառի վառ հիշատակը։ Վազգեն Ա-ի հետ Տերունական աղոթքից հետո տրվեց մրցանակաբաշխության մեկնարկը։

Մրցանակակիրները ընտրվել էին հատուկ հանձնաժողովի կողմից, որի կազմում ընդգրկված էին նկարիչներ, բանաստեղծներ և հոգևորականներ։

Արդյունքում ավելի քան 30 մասնակից տարբեր անվանակարգերում արժանացան հայրենաճանաչողական արշավների մասնակցության հրավերների և այլ խրախուսական մրցանակների։

Շնորհակալություն ենք հայտնում բոլոր մասնակիցներին, առաջիկայում սպասվում են նոր և ավելի հետաքրքիր նախաձեռնություններ։